Irungo Harrera Herria.- Gaur apirilak 22, 18: 00etan elkarretaratzea Irungo San Juan Plazan. Igandean Irunen migratzaile baten heriotza salatzeko. #EzdiraHeriotzakHilketak.
Irungo Harrera Sareak telefono mugikorrak eskatu ditu sare sozialetan. Kargagailudun mugikorrak behar dituztela zehazten du. Norbaitek ekarpenik egin nahi badu, Kale Nagusiko 4. zenbakian dagoen lokalean utz dezake. Egunero egongo dira 10:00etatik 12:00etara, telefono mugikorrak jasotzen.
Irungo Harrera Sarea.- Azken egunotan, Bidasoa ibaian, Irun eta Hendaia artean, gazte migratzaileak gutxienez bi aldiz erreskatatu dituztela jakin du Irungo Harrera Sareak. Europa iparralderako bidean dauden pertsonak, Frantziako estatuaren muga itxieraren aurrean igerian pasatzen saiatzen direnak, eta lesioak eta nekea direla eta artatu behar izan dituztenak.