Euskal Herriko Pentsionisten Mugimendua.- Azaroaren 13an, EAEko Legebiltzarraren osoko bilkurak betoa jarriko dio sindikatuek aurkeztutako Herri Ekimen Legegileari, EAEko errealitate sozial eta ekonomikora egokitutako LGS eskatzeko. Hau 138.000 sinadurek babestutako HELa da, eta gure HALak bezala, 145.000 sinadurek babestuta, ezin izango da eztabaidatu Legebiltzarrean, gobernua osatzen duten alderdiek eragotzi egingo dutelako beren botoarekin.
Ez dago erabaki hori justifikatzen duen arrazoirik, eta eztabaidari uko egiteak EAEk, bere eskumenak erabiliz, bizi-baldintza duinak lortzeko zuteneko diru-sarrera nahikoak bermatzeari uko egitea ezkutatzen du.
Gobernuarentzat, EAJrentzat eta PSErentzat, HELak arazo bat dira, eta lehenbailehen paretik kentzea erabaki dute, eztabaidatu ere egin gabe. Herritarrek ekintza politikoan eta gobernantza kooperatiboan parte hartzearen aldeko adierazpenak publizitate-kanpaina hutsak dira, eta paper bustian geratzen dira hitzetatik ekintzetara igaro behar denean.
Baina emakumeei kalte egiten dien genero-arrakala eta LGSaren eta GParen hilabete amaierara iristeko diru-sarrera eskasak ez dira desagertzen beren betoarekin eta egunez egun, eta ezinbestekoagoa eta premiazkoagoa da horiek desagerraraztea. Aldarrikapen bori eztabaidaezina da, eta berandu baino lehen legea izango da EAEko Legebiltzarrean.
EHPMKk LGS propio baten aldeko mobilizazio sindikalak babesten ditu eta bilaren 12an Bilbon egingo den manifestazioan egongo gara. Sindikatuek, pentsiodunen mugimenduak eta gizarte, feminista eta gazte erakunde askok bultzatutako borroka da hau, eta borroka hori partekatu behar dugu irabazi arte.
Nafarroako Gobernuaren eta EH Bilduren arteko akordioa, pentsio kontributiboetarako gutxieneko pentsioak 1100 eurora arte 14 ordainsaritan osatzeko, positiboa da.
Positiboa da, akordioan parte hartzen dutenak behintzat sentikorrak direlako adineko pentsiodunen diru-sarrerak hobetzeko egiten ditugun eskariekiko, eta hori ezinezkoa izan da EAEn HELri jarritako betoagatik, Legebiltzarrean eztabaidatzeko aukerarik ere eman ez duelako.
Akordioarekin ikusten denez, posible da gutxieneko pentsioak osatzea.
Era berean, diru-sarreren gehikuntza positiboki baloratzen dugun bezala, nahikoa ez dela ere esaten dugu, haren zenbatekoa ez delako parekatzen indarrean dagoen LGSarekin, bizikidetza-unitatearen diru-sarreren irizpideari eusten zaiolako, ez dituelako kotizazio gabeko pentsioak barne hartzen, eta, eraginkorra izan dadin, ezinbestekoa delako PFEZ zergak ordaintzetik salbuetsitako kopurua gutxienez 18.000 eurora igotzea, oraindik erabakitzeke dagoen erabakia.
Esperientziaz dakigu asko kostatzen dela gure aldarrikapenak lortzea, eta horregatik ospatzen ditugu lortutako aurrerapenak, baina badakigu, halaber, haien alde borrokatzen garenean bakarrik lortzen ditugula helburuak. Aurrerapauso bat da hau, baina gure mobilizazioekin lortu behar dugu behin betiko legea egitea Nafarroako Parlamentuan langile eta pentsiodunei duintasunez bizitzeko aukera ernango diguten diru-sarrera nahikoak bermatzeko.
GP eta LGS parekatzea eskatzen dugu, eta hori Europako Gutun Sozialaren nahikotasunirizpideen arabera finkatzea.
BORROKA DA BIDE BAKARRA. LUCHAR ES EL CAMINO Y NUESTRA GARANTÍA