Gure arazoak konpontzeko balioko ote zuen?

ZKA argitaratua 14 / Eka / 2013

fotoLandetxa auzo elkartea.-  Landetxa auzo elkartea.- Hil honen 3an, Irungo alkate Santano jaunak Kateako bizilagunekin bilera bat egin zuen.

Auzo elkartetik ondorengoa adierazi genion: Auzo honek zortasun ugari duela: autopistak, errepideak, industri poligonoak, zentro komertzialak, … gure landa-lurzoru gehiena galtzearen truke. Zortasun hauek neurri handian lagundu dute hiriaren garapenean. Aldiz, Kateak behar batzuk ditu eta horietako batzuk duela urte askotatik ari da auzo elkarte hau errebindikatzen, eta oraindik konpondu gabe jarraitzen dute. 

Lotan zegoen amets gaiztoa esnatu da!!!

Pertsona bat (ez da egiaztatu) argitaratua 3 / Mai / 2013

argazkiaAspaldi ez genuen AHTren berri Irunean. Bazirudien mehatxua ahaztuta zegoela, eta krisia dela eta ez zela honera inoiz iritsiko…Baina ikerketa informatiboa hemen dago  jadanik, eta AHT beti aldarrikatu duen  Irungo udala ez du ematen oso pozik dagoela iritsitakoarekin. 

Beti esan digute instituzioetatikan AHTk aurrerapena, modernizazioa, aberastasuna eta onurak ekarriko zituela. Irungo kasuan Udalak beti saldu digu AHTrekin batera Tren Eremu Berria zabalduko zela Irunen hiria kohesionatuagoa izateko. Eremu berri horetan AHT, Eusko Tren, aldiriko trena eta bus geltokia kokatuko lirateke, eta horrrekin batera hirigintza operazio erraldoia martxan jarriko zela hiriaren erdian. Horrela. “trenbideen hondartza” deitutakoa hiritarrontzako berreskuratuko zela, edo hobe esanda hiritar batzuen negozioetarako, hirigintza birmoldaketarekin batera espazio publikoaren merkantilizazio zahar berria aurrikusita baitzegoen.

ja10n balorazioa

ZKA argitaratua 29 / Api / 2013

foto

lakaxita.org.- 10. aldiz ospatu dugu aurten Jaion eta izugarrizko arrakasta izan da hainbat aspektutan: inoiz baino jende gehiago, giro bikaina ibilbide osoan zehar, aldarrikapenak eta jaia uztartuak...

Baina badaude ere balorazioa egiterakoan hainbat alde ilun zuekin konpartitu nahiko genituzkeenak.

Jaion gaztetxeko asanbladatik antolatzen den ekimena da eta hainbat eragile zein norbanakok honen antolakuntzan parte hartzen dute. Beraiei eskerrak eman nahi dizkiegu. Tamalez, urtez urte, zailtasunak ditugu barra, garbiketa eta hainbat kontuenzako turnoak betetzeko. Kontutan hartu behar da 300 pertsonatik gora pasatzen direla gaztetxetik eta lan handia suposatzen duela guzti horren antolakuntzak.

Bestetik, jai eredu alternatibo bat sortzeko asmoarekin antolatzen da Jaion eta tamalez, hainbat alorretan ez dugu hori lortzen: kontsumo arduragabeak, zabor kopuru  industrialak eta horiekiko ardura falta, gaztetxeari eragindako kalteak, jendearen arteko liskarrak...

Zein irudituko luke hilabeteari hipotekako 300 euro gutxiago ordaintzea?

ZKA argitaratua 27 / Api / 2013

Kartela

ZURE HIPOTEKAREN INTERESA

Hipotekarengatik kalteturik dauden pertsona askok hilabete bukaerara iristea kosta egiten zaiela ikusten dute, beraien hipotekak erreferentziatuak dauden interesak direla eta. Arrazoi honegatik , garrantzitsua da mailegu hipotekarioetan ezartzen diren interesak ulertzea, 2899/11 eko Agindu Ministeriala ulertzeaz gain.( bere zehaztasun guztiekin)

Informa zaitez eta zabal ezazu!!

Pasaia: Ingurumena, birziklapena kameleoiak eta 2013 PSOEko

ZKA argitaratua 18 / Api / 2013

fotoEGUZKI Oarsoaldea-Bidasoaldea.- Azken boladan kameleoien festa daukagu aurrean, ez zeinek berotzen dien burua gehiago pasaitarrei ingurumen eta birziklapenaren aurka, EAJ-PNV-k ala PSEk.

Azken tanta: PSOEk eginiko buzoneaketa Pasaian, atez ateko sistema gaitzetsiz, sortzen dituen usainak aipatuz, eta zein deserosoa eta antiestetikoa den salatuz. Bitartean, PSOEko eskerreko sektoreak sistema hauxe bera ari dira bultzatzen beren erkidegoetan, ikusirik eraginkortasun handiko sistema dela, eta gainera hondakinen errausketa saihesten duela.

8000 arrazoi kontra, 8000 arrazoi alde

ZKA argitaratua 18 / Api / 2013

argazkiaIrun, Hondarribia, Astigarraga, Hernani, Lezo, Orereta, Urnieta, Lizartza, Beasain, Gasteiz, Errezil , Donostia, Tolosa eta Alkizako Hezkuntza eragileek 8000 sinadura, 8000 atxikimendu, 8000 arrazoi eman dizkigute elkartzeko, Murrizketarik ez eta LOMCEri ez esateko eta Euskal Herriaren Hezkuntzaren alde bideari ekiteko. 

8000 arrazoi krisiari, iruzurrari eta horrek justifikatu nahi dituen murrizketei  ezetz esateko; murrizketak  sistema neoliberal honen sortzaileek, iruzurgileek, lapurrek ordain dezatela. Ez dugu onartzen gizarte sozialaren  eta hezkuntza publiko, euskalduna eta laikoaren suntsipen programatua, gizarte elitista, hezkuntza elitista, baztertzaile eta produktibista baten mesederako. 

“Elkarteen osasunaren isla izango da Angula Berria”

ZKA argitaratua 5 / Api / 2013

bidasoamedia.info Interneteko zurrunbiloak proiektu askoren garapena erraztu du. Komunikazioan ere, beste garai baten hasiera bultzatu duela esan daiteke eta dirudienaren kontra, ez gara soilik kumunikazio global eta mundialaz ari. Tokiko informazioa ere eraldatzeko bidean jarri du internetek. Duela bost hilabete, hirian gertatzen denaren inguruko informazioa jasotzeko agerkari berria dute eskura irundarrek. Angula Berria du izena, larogeigarren hamarkadan Irunen izandako irrati librearen omenez. Bertan ibili zen ZialdoKA eta Zabaldu Boletina edo Indymedia Euskal Herria bezalako proiektuetan parte hartu ondoren, abentura honetan sartu da buru belarri.

Cines Txingudi

Pertsona bat (ez da egiaztatu) argitaratua 9 / Abe / 2012

Txingudi Bidasoako bi lagun gara. Gaur zinemara joan nahi genuen, karteldegiari begirada bota diogu, eta harriduraz konturatu gara bederatzi aukera zeudela Mendibileko zinematokian eta horietatik batere ez zela gure gustukoa. Bederatzi filmetatik bost ipar amerikarrak, hiru estatu espainiarrekoak eta ingelesa bat zeuden. Non dago euskarazko edo bertako zinema?

Orriak