Irun eta Hondarribiako hondakinen kudeaketa izango dugu hizpide. Gipuzkoan batez beste gaikako bilketa %57,17ra iritsi bada ere, bi udalerri hauek ez dira legeak 2025erako ezarritako %55eko gutxienekora heldu. Irunek %52,19ko tasa du, eta Hondarribiak, %52,41ekoa. Biak dira Gipuzkoako udalerri handienen artean, eta, tamalez, emaitza eskasak dituzte. Datu horiek adierazten dute sistema eraginkorrak ezarri beharra dutela. Hobetzeko tarte handia dago, eta gakoa politiketan eta kudeaketa ereduan dago. Garikoitz Plazaola, Eguzki talde ekologistako kidearekin hitzegin dugu

Kaneta portuko eremu guztia eta gehiago hartuko du ospakizunak, itsaseder gainean ere muntatu dituzten karpetan. Musika egitarau handia prest dute, eta sarrera doakoa izanen da larunbat goizean eta igandean, «herritarrak biltzeko».

Beñat Muguruza filologoak "Irungo euskararen historia soziala XX. mendearen hasieran (1.900-1.936)" ikerlana egiteko Jose Antonio Loidi beka eskuratu du. Egunkarien hemeroteka eta hizkuntza ezagutzari buruzko datuak miatzeaz gain, «oraindik bizirik dauden irundar adinekoek gogoratzen dutena haien ahotik entzunda» argitu nahi du garai hartako irundarren ama hizkuntza zein zen, zein hizkuntza arnasten zen kaleetan, eta Irungo transformazio linguistikoa nola eman zen.

Urtarrilean hasi ziren Santiago-La Bañera auzo elkarteko kideak jaietako programazioa lantzen. Eta 30 laguneko lantaldea dabil egunotan, haur zein helduentzako hamaika hitzordu prestatzen. Uztailaren 18tik 25era erraldoi eta buruhandiak, danborrada, zezensuzkoa, bingoa eta hainbat hitzordu musikal prestatu dituzte auzoa festa giroz bete dadin. 

Urteurren borobila izanen da larunbat honetan Beran. Toki Ona Bortziriak taldeak hamargarren aldiz antolatuko du 3x3 saskibaloi txapelketa. Egun osoko egitaraua prestatu dute, eta bildutako diru guztia Ademgi eta Alyme elkarteetara bideratuko dute. Antolatzaile taldeko Mikel Irazokirekin biltzeko aukera izan dugu.

Joseba Aurkenerenak bere hirugarren olerki-liburua aurkeztu berri du: Hodeiertzeko olerkiak. Bilduma honek bizitzaren bidea eta denboraren joana ditu ardatz, uraren eta itsasoaren irudi poetikoak baliatuz. Poemen bidez belaunaldien transmisioa, herri baten bilakaera eta etorkizunaren inguruko kezkak islatzen dira. Perspektiba pertsonaletik kolektiborako jauzia egiten du. Joseba Aurkenerenarekin hitz egin dugu liburu honen inguruan.

Hondarribiko talde mitikoaren 30. urteurrenarekin sortutako ikuskizun musikalaren birak jarraitzen du. Euskal Herri osoan arrakasta bildu eta gero, 2023an bezala, Urbil Artola eta Gorka Sarriegi Irunen ariko dira berriz ere Irun Hiria Musika Bandarekin batera. Uztailaren 18an Irungo San Juan plazan (23:00) 90. hamarkadan euskal musikagintzan ereserki bilakatu ziren akordeetaz gozatzeko aukera izango dute bidasotarrek udako kultura programazioaren barruan. 

Elkartasun sareak salatu duenez, «segurtasuna bermatu beharrean patruila horiek beldurra sortzen dute, etxera itzultzen diren gazte arrazializatuengan susmagarri bezala interpelatuak izateko arriskuagatik, haien arrazarengatik jarraitzen dituztelako kaleetan». «Sare sozialetan zabaltzen eta elikatzen den eskuin muturraren beldurraren diskurtsoa kalera salto» egin duela dio Irungo Harrera Sareak, eta Irungo Udalaren inakzioa «kezkagarria» iruditzen zaio.

Aurten herriko 32 ostatu eta jatetxek bat egin dute "Ongi Etorri Euskararen Herrira!" lelopeko kanpainarekin. Hondarribiko Udalak UEMAren laguntzarekin, bisitariei, zerbitzu sektoreko langileei eta herritarrei euskarak duen garrantzia ikusarazteko helburuarekin, Bertatik Bertara kanpainaren diptiko eta kartelekin batera, ostalaritzan ere euskaraz aritzeko oinarrizko hiztegia eskaintzen dute formatu ezberdinetan.

Goiener elkarteak eta I-Enerrek antolatuta, 2023 eta 2024ko edizioetan bezala, eskualdez eskualde, tokiko ekimen sozialak ezagutzeko bost eguneko txirrinda bira antolatu dute. Oraingo honetan, Lapurdi, Nafarroa Behera eta Nafarroa Garaian barrena 266 kilometro egingo dituzte, baina helburua energia arloarekin zerikusia duten gaiak ez ezik, migrazioa, energia berriztagarriak edota lurraren defentsa mugimenduak ezagutzea izango da. 

Gizonetan zein nesketan, patroi onenaren sailkapen buru daude Joseba Amunarriz eta Miren Garmendia, Euskolabel eta Euskotren ligatan. Gizonekoetan, eskifaia nabarmen gaztetu eta aldatuta ere, mailari eutsi dio Eusko Label ligako hasiera honetan. Espero baino hobeto ekin dio denboraldiari, eta aurreneko lau estropadak jokatuta, bosgarren postuan dago. 

«Politika antimigratorio arrazista eta hiltzaileak» salatu zituen Mugak Zabalduz karabanak larunbatean, Bidasoko mugan Calais-erako bidean. Europako kanpo zein barne mugetan «migranteen ehiza» egiten dela, eta giza eskubideen alde ari diren «elkartasun sareak kriminalizatzen» dituztela salatu zuten Irungo San Juan plazan egindako agerraldian. Ondoren, Santiago zubi ondoko oroitarrian, Bidasoan hildako 10 migranteak omendu zituzten.

Okzitaniako Foix herrian jokatutako Munduko Slalom Txapelketan C1 modalitateko urrezko domina irabazi du, junior mailan. Eta zilarrezko eta brontzezko beste domina bana eskuratu ditu taldeka ere, C1 eta K1 modalitateetan.

Emakume elkarteek, mugimendu feministak eta Hondarribiko Udalak deituta, elkarretaratzea egin zuten larunbata goizeko 11:30ean Martxoak 8 plazatxoan. Dozenaka herritarrek Hondarribian izandako azken indarkeria matxista kasua salatu zuten, udalak ostiralean bertan plazaratutako Adierazpen Instituzionalaren ondotik, eta protokoloa aktibatu eta gero.

Hondarribiko Udaltzaingoak zenbait adin txikiko identifikatu eta atxilotu ditu. Gipuzkoan ospatzen ari zen DonostiCup izeneko kirol ekitaldian parte hartzen ari ziren, eta Hondarribian ostatu hartzen zuten. Herriko hainbat puntutan aparkatuta zeuden ibilgailuetan kalteak eragin dituzte. Kaltetuek Udaltzaingoaren egoitzara jo dezaketela gogoratu du Hondarribiko Udalak euren eskubideak defendatzeko. 

Astea bete du “Eraman Zurekin Hondarribiko Artea” erakusketak Maddalen arte garaikiderako gunean. 14 artistak turismoaren, herrian bizitzearen eta gai sozialen arteko hausnarketa artistikoak egin dituzte, kamisetak oihal.

Iaz Hondarribiko jaietan eta udako estropada eta Santiago Eguna bezalako hitzordu jendetsuetan abian jarritako dispositiboaren bide beretik, eraso matxisten aurkako Puntu Morea eta Telefono Morea aktibatuko ditu Hondarribiko Udalak asteburu honetan zehar. "Auzoa kultura da!" jaialdiak jende andana bat bilduko duela aurreikusita, Gipuzkoa Plazan 20:00etatik 23:00etara herritar ororen eskura egongo da Puntu Morea, eta telefono bidezko arreta 688 718 797 telefonoan emango dute.

40 elkarte biltzen dituen kolektiboa baikor agertu da, Irungo Udalarekin azken hilabeteetako hartu emanetan udal politikak elkarlanetik zuzentzeko borondate berria erakutsi duelako. «Hasierako alde bietako mesfidantzak gaindituz, adostasunak bilatu eta Hizkuntza Plan hobe eta osatuago bat egikaritzeko» gai izan direla uste du 40 elkartek osatzen duten kolektiboak. Hala ere, zuhur jokatu nahi dute, «Udalaren jardunean, oraindik betiko inertziek jarraitzen dutelako, euskara baztertuz edota zokoratuz».

Hondartza hustu behar izan zuten atzo eguerdian, salbamenduko helikopteroak lur hartu eta 46 urteko beste gizon bat ere ebakuatu ahal izateko. Honakoa ere Baionako ospitalera eraman zuten larri bihotzak jota ere. Aldiz, 86 urteko gizona hondartzan zendu zen, SDIS, CRS eta suhiltzaile zerbitzuek bihotz-suspertze ariketak egin arren. 

Iaz 5.485 bisitari jaso eta gero, sendotutzat ematen duten jaialdiak hiriko merkataritza, ostalaritza eta turismoari zenbateko ekarpena egiten dion argitu nahi du oraingoan udalak. KPI, sortutako lanpostuak eta udaletik egindako inbertsioaren itzulkin publikoa ere neurtzeko metodologia kontrastatu bat erabiliko dute.