Martxoaren 26tik 28ra nazioarteko 16 film labur eta 5 dokumental emango dituzte Itsas Etxean antolatutako CIMASUB TOUR Itsaspeko Zinema Zikloaren hiru saioetan. Ikastetxeei zuzendutako emanaldia ere martxoaren 26an egingo dute. Munduko ozeanoetako paisaia ezkutuak ez ezik, plastikoek eta hondakinek eragindako kutsadura, espezie osoak suntsitzen dituen gehiegizko arrantza, edota itsas-ekosistemen degradazioaz kontzientzia hartzeko jaialdia da.

Irungo Alarde Parekidearen Juntak hiritar guztientzako Alarde bat antolatzeko ardura har dezala eskatu dio Irungo Udalari berriz. Iaz egin zuten bezala, ordenamendu juridikoa betetzeko duen erantzukizun politikoa oroitarazi diote Cristina Laborda alkateari atzo entregatutako gutun baten bidez.

Inolako abisurik gabe hasi dira biodibertsitate handiko ia bi hektareako lursaila suntsitzean. San Migel-Anaka hirigintza garapenaren 14 hektareako urbanizazio proiektuaren baitan, bertan zeuden lizarrak, urkiak, sahatsak, sagarrondoak, pikuondoak eta gereziondoak, eta hegazti askoren babesleku eta bizilekua hunkitu dute. Lakaxitan egon gara eta Hilario, Irungo gaztetxeko kidearekin hitzegin dugu. 

Oiasso Museoak aparteko programazioa antolatu du martxoaren 31tik apirilaren 12ra bitartean. Aste Santu eta Pazko Asteko oporraldietan, Bidasoaldeko haur eta familientzat tailerrak, terma erromatarretara eta Ama Xantalen nekropolira bisita gidatuak antolatu dituzte, besteak beste. Irungo kaleetan barrena, Oiasso erromatar hiriaren aztarnak deskubritzeko Tren Txikito elektrikoaren ibilbidea estreinatuko dutela iragarri du Aizpea Goenaga museoko zuzendariak.

Goizeko 3:58an iritsi da 24. Korrika gure eskualdera, Gurutzetik. Eta 22 elkarte, ikastetxe eta eragilek eskuz-esku pasatu ondoren, 5:32ean Kemen dantza taldea izan da Endarlatsako mugaraino eraman duen azkena. Gero arte bat baizik ez da izan, Irun ere euskararen herria dela aldarrikatzeko aukera izango baitute bihar, eskualdeko Urruña, Hendaia eta Hondarribiko bizilagunekin batera.

Deskarbonizazioa sustatzeko estrategia energetikoen baitan, hidrogeno berdearen ekoizpena eta eskaera nahikoa aurreikusten ote den aztertuko dute Team ingeniaritza enpresak eta Tecnaliak. Etorkizun batean Frantziako sarearekin gas jasangarriaren harremana bideratzeko azpiegituraren beharra argitu nahi du Eusko Jaurlaritzak.

Elkarrekin Ababor jardunaldi nautikoak martxoaren 28an egingo dira Hondarribian.Itsasoaren zaleentzako ekintza bereziak antolatu dira, bela eta arrantza uztartuz. Parte hartzeko izen-ematea jada zabalik dago, eta parte-hartze handia espero da. Egun paregabea izango da itsas giroaz gozatzeko eta esperientzia berriak bizitzeko. Maialen Gaztañaga Ficobako azoken arduradunarekin hitzegin dugu

Palestinaz solasean jarraitu behar dela argi du Labiaga Ikastolak. Bertzeak bertze, Palestinar txikienak erdigunean jarri eta hauen sufrimenduaren amaiera eskatzeko elkartzen dira ortzegunero Labiagako haur, guraso eta irakasleak. 

A Sunday kind of love - Etta James 

I Say A Little Prayer - Aretha Franklin

He can only hold her - Amy Winehouse

Down on my knees - Ayo

Love - Keyshia Cole

Killing me softly - Roberta Flack

Hey, That’s no way to say goodbye - Roberta Flack

This land is your land - Joss Stone

My love is you love - Whitney Houston

Cant take my eyes off you  - Ms. Lauren Hill

Irreplaceable - Beyonce

I Drink Wine - Adele

Me and Mr. Jones - Amy Winehouse

Dagoeneko Bizkaia eta Arabako hainbat udalerritan Espainiako Polizia Nazionalak martxan jarri duen zerbitzua, Hondarribian ere abian jartzeko eskatu du EAJk. VIDOC (Vehículo Integral de Documentación) delako poliziaren unitate mugikorrak NAN eta pasaporteak herriz-herri izapidetzeko egokituak daude. Irungo Zabaltza plazako komisariara joan gabe, «bereziki adinekoentzat edo mugikortasun arazoak dituzten pertsonentzat lagungarria izan daiteke», Maria Serrano jeltzalearen arabera. 

LEMA ETA LEKUKOA - Ines eta heitxi

SUA GINEN - Ezkutu

ZU GABE EZER - Ezkutu

BILATU - Calzados Deportivo

AHT - rik ez!  - Calzados Deportivo

DUELA HIANBESTE BIZITZA - Karm Hilak

ISPILUEN BASOAN - Karm Hilak

JOAN ETORRIAN - Abereh

ZIRRARA HURA - Abereh

KEINUA - Txoteko Ezpata

GELAREN AINGURA  - Kuartz

DENOK ZIMELDUKO GARA - Occhi di Farfalla

NEREKIN  - Occhi di  Farfalla

JANTZIA - Arima

Sebastien Etxebarneren Ongi Bizi Urruñan bozen %48,44 eskuratu du bigarren itzulian, eta horrenbestez, Filipe Aramendi oposiziora pasatzen da. Elgarrekin Urruña taldearekin konfiantza egin duten 2.210 herritarrak eskertzearekin batera, «mandatu honetan sortutako talde dinamikarekin jarraitzeko konpromisoa» adierazi duen bitartean, auzapez berriak «herritarrak entzun eta proiektuak elkarrekin egitea» lehentasunetan emanen duela aditzera eman du. 

Lakaxita gaztetxeak jasandako azken eraso faxista salatzeko elkarretaratzea egin zuten larunbatean Sargia parkearen sarreran. Azken bi urteetan hainbatetan pintaketa arrazista eta homofoboak agertu dira gaztetxearen hormetan, eta diana bat marraztuz mehatxatuak izan dira. Kontzentrazioa probestu dute San Migel-Anaka hirigintza garapenak Lakaxita nola hunkituko duen jakin nahi dutela, eta Irungo Udalak isilarena ematen duela salatzeko. 

Larunbatean mila lagun inguru elkartu ziren Irungo San Juan plazan Korrika Eguna ospatzeko. Behobia, Artia, Dunboa, Santiago, Larreaundi-Olaberria, Elitxu, Landetxa, Urdanibia-Berri, Anaka-Puiana, San Migel, Alde Zaharra-San Juan eta Erdiguneko auzo elkarteek AEKrekin bat eginik, irundarrek euskararen alde kaleak hartzeko deiari erantzun zioten. Baita ederki erantzun ere. Euskarak bizi duen oldarraldia agerikoa dela salatu zuten, eta «erdaratik datozenei euskara eskura jartzeko, denontzat aterpe eroso izan dadin, herri honek hizkuntz-politika ausartak behar dituela» aldarrikatu zuten.

Udal hauteskundeen bigarren itzulian ez da ezustekorik eman. Kotte Ezenarrok auzapez izaten jarraituko baitu, bozen %44,31 eskuratu ondotik. Baina Hendaia Aitzinarekin batzeko parioak ez ditu aurreikusitako emaitzak eman, eta oposizio nagusia Ezenarroren Hendaia Elgarrekin zerrendan integratua geratu den heinean, Hendaia Biltzen talde abertzalea (%32,56) bigarren indarra izatera pasa da. Hortaz gain, eskuineko Vivre Hendaye zerrendak (%23,12) Herriko Kontseiluan ordezkapena lortu du Tristan Proteau aurkezten zen lehen aldian.