Joan den larunbatean ekin zioten Larreaundi-Olaberria auzo elkarteak proposatutako Palestinaren eta bakearen aldeko horma-irudia auzolanean margotzeko lanari. Auzoko artista batek egindako bozetoa Berio kalean, Hegoaldeko saihesbidearen aldamenean dagoen biribilgune berriaren horman aritu ziren auzoko hainbat lagun eta familia markatutako zirrimarraren gainean margotze lanak egiten. Abenduaren 18an eta 20ean, 10:00etan eman dituzte hurrengo bi hitzorduak.

Guadalupeko gotorlekuaren hainbat egitura zaharberritzeko 300.000 euroko inbertsioa egin du Hondarribiko Udalak azken bi urtetan, Eusko Jaurlaritzak kudeatutako Europako NextGeneration diru-funtsari esker. 2025ean 1.203 lagunek Arma Plazan erreserba bidez bisitatzeko aukera izan duten arren, Hondarribiko «egitura arkitektoniko-historiko handiena eta ezezagunena» aurrerantzean herritarrentzat «parte batean irekita» uzteko asmoa aditzera eman du Igor Enparan alkateak.

Teknofrekuentzia irratsaio berri honetan, gaur Feministaldiari buruz arituko gara. Laura eta Leire ditugu gurekin, aurtengo edizioaren inguruan solasteko. Aurtengo saioan beste ekitaldi bati helduko diogu: Feministaldia. Donostian egiten den ekitaldi beteranoa da, 2005ean sortua, hasieran Plazandreok plataforma politikoaren eskutik. Aurten, Marta Francoren hitzaldiarekin hasi eta DabaDaban amaitu den bost eguneko egitaraua izan dugu.

Hondarribiko dendariekin batera, herriko eskulangile eta sortzaileen ekoizpen originalez hornitutako aparteko azoka ospatu dute asteburuan, laugarren urtez Santa Maria Madalena plazan. Aurtengo 17 postuetako zenbait partaiderekin hitz egin dugu ondoko erreportaian. Udalak, Bidasoa Bizirik, Amuitz merkatarien elkartea, Kolore Kolore eta Eskuz Lan Bidasoko artisauen elkarteak bultzatuta, tailerrak, zuzeneko musika eta 100 euroko 16 erosketa-txartel ere zozkatu dituzte asteburuan.

Akelarre elkarteak Hendaiako Errepublika plazan urtero jartzen duen Olentzero hondatu dute larunbatetik iganderako gauean.

2026-2032 agintaldirako bide orria finkatu du Hendaia Biltzenek biltzar nagusian. Eta martxoaren 15 eta 22ko udal hauteskundeei begira Laetitia Navarron aukeratu dute zerrenda buru. Udalaren egoera ekonomikoa kontuan hartuta, "bideragarriak" diren 5 ardatz nagusi aurkeztu dituzte herriko plazan egindako agerraldian, etxebizitza, prekarietatearen aurkako borroka, gizarte kohesioa, euskara eta mugikortasun jasangarrian oinarrituta.

Euskal Herrian egurrezko estrukturarekin eraikitako "energia kontsumo urriko" aurreneko etxebizitza hauek erreferente bilakatu ziren 2016an, VISESAk eraiki zituenean. Orain sortu diren hezetasun arazoak konpontzeko lanak ez dira bertan bizitzearekin bateragarriak. Beraz, kaltetutako familiei alternatibak bilatu dizkiete. Bere eskumena ez bada ere, Hondarribiko Udalak aukeran dauzkan baliabideak jarri ditu familia hauen eskura, etxebizitza eta haien etxeko puskak hustutzeko biltegia eskainiz. 

Gaur zabaldu dituzte Zabaltza plazan Irungo 24 komertzio eta artisau bilduko dituzten 18 postuak. Irundarrek zein kanpoko bisitariek Gabonetako erosketak bertan eta hiriko establezimenduetan egin ditzaten programazio oparoa antolatu dute. Eta gaur bertan, azokaz gain, Luis Marianoko eta Sarjia parkeko izotz-pistak eta Antzarango txirrista zabaldu dituzte.

Txingudiko plangintza «nahi baino garapen motelagoa» izaten ari den bitartean, klima aldaketaren inpaktua «uste baino okerragoa» dela baieztatu dute gaur Plaiaundiko Ekoetxean egindako Txingudiko Plan Zuzentzailearen Jarraipen Batzordean. Hondarribiko Udalak Mendelun uholde-arriskua prebenitzeko neurriak azkartzeko laguntza eskatu die inplikatutako gainerako administrazioei. Igor Enparan alkatearen ustez, administrazio guztiak behar dena jartzeko konpromisoak hartzera behartuak daude.

Kera elkarteak hirugarrenez poesia errezitaldia antolatu zuen abendu hastapenean. Kultur eskaintza hutsa izatetik urrun, erreferente beharrak asetzeko aukera da emakume ijitoentzat, Palmira, Ane eta Azaliak azaldu dutenez.

Zer da negazionismoa ingurumenaren testuinguruan?
Negazionismo klimatikoa edo ingurumen-negazionismoa da klimaren aldaketa, deforestazioaren ondorioak edo gizakiaren eragina ukatzen dituen jarrera. Honek, politika publiko eta sozioekonomikoetan eragin zuzena izan dezake. 

Uxuri Etxegia antzerkilari eta artista sunbildarrarekin izan dugu gaurkoan tertulia. Antzerkiarekin lotutako kontuak izan ditugu hizpide bertzeak bertze. Mugak, aukerak, ikasketak, saiakerak…Hau guztia hiritik herrira bueltatzearen bizi esperientziarekin lotu dugu.

Herriko eragile ezberdinek Lesakako Udalarekin batera Olentzerori buruzko zikloa antolatu dute Lesakan. Bihar, abenduaren 13an, hasiko da ikus-entzunezko eta solasaldi batekin, eta herrian hain errotuta dagoen ohituraren iraganean eta orainean sakonduko dute.

Antxetatik Nafarroara (2025-12-11)

KIRATXA taldea Bizkaia eta Gipuzkoako hainbat tokitatik datorren kideez osaturik dago, punk basati eta D-Beat indartsua eskeiniz haien ·Giza Ustelkeria" EP berria aurkezteko, ondotik elkarrizketa dibertigarri bat eskeinirik.

00:00 - 00:42 Intro

00:43 - 02:32 Veneno

02:33 - 03:36 Farsante

03:37 - 05:03 Kiratxa

05:04 - 06:41 Verdugos

06:42 - 08:11 Maquinaria del poder

08:12 - 09:49 Mártires

09:50 - 11:13 Genocidio

11:14 - 12:51 Mare Mortum

12:52 - 14:04 Finiquitado

Hendaiako Akelarre kultur elkarteak 49. Olentzero Kantuz antolatu du aurten ere. Abenduaren 24an, arratsaldeko 19:00etan, herriko plaza beteko da kantuz eta giro onez. Ekimena guztiontzat zabalik dago: bakarka, bikoteka edo taldean parte hartu nahi duenak badu bere lekua. Prestaketak hobeto ezagutzeko, Inko Manterola Akelarre kultur elkarteko kidearekin hitz egin dugu.

Txirrindulari irundarrak Evenepoel edo Roglic bezalako txirrindulari handien alboan emango dio pedalari 22 urte besterik ez dituela. Junior zenetik garaipen garrantzitsuak bildu ditu etengabe, eta profesional mailan bere lehen urtean Kern Pharmarekin Gaztela eta Leongo Itzulia irabazi eta gero, orain Patxi Vila beratarra zuzendari duen Red Bull Bora talde indartsuarekin ariko da heldu den denboraldian.

Gaur egungo folkorikak fusioa,harrotasuna ta genero rolak apurtzen.

Abenduaren 20an Begisare elkartea laguntzeko helburu duen Irungo Gabonetako Krosak 1.600 parte-hartzaile bildu nahi ditu, inoizko marka onena eginez. Kros Txikian 600 haur izango diren bitartean, helduen kasuan mila dortsal atera dituzte, eta geratzen diren azkenak 16 eurotan eskura daitezke www.kirolprobak.com atarian. Orain arte izena eman dutenen %44 emakumezkoa dela nabarmendu du Bidasoa Atletiko Taldeak.

Orotara 4,3 milioi euroko inbertsioa egin dute Haizpean zahar etxea zena arraberritzeko. Txiki Handi gune berrituak Hendaiako gizarte eta hezkuntza arloko zerbitzuak puntu bakarrean biltzen ditu. Intzurako Autoport gunetik etorritako egiturekin batera, AEKren lau gela berriak ere barne hartzen ditu.