Justin Hurwitz konpositoreak jazza eta musika klasikoa ditu oinarritzat soinu banda izugarriak sortzerako orduan. Whiplash eta LaLaLand filmak musikatu zituen. Lau Airetara saioan, Hurwitzen sorkuntza aztertu dugu.

Apirila musika nobedadez beterik izan dugu euskal musikaren eszenan, hona, apirilan kaleratua izan den musikaren zerrenda

Maria Luisa Anido "mimita", Lalita Almirón eta Josefina Robledo gitarrista handiez aritu gara gaurko musika txokoan. Ttiki ttikitatik talentu handiko neskak izan ziren. XX. mende hasierako interprete eta konpositore garrantzitsuenetakoak dira hiru gitarrista hauek.

Gaurkoan LANDARLAN ingurumen elkarteko eta NATURTZAINDIA Kontserbazio Biologiaren Elkarteko kidea den,, Garazirekin izango dugu elkarrizketa. Berak kontatutko digu nola hurbildu zen ekologiaren, naturzaletasunaren mundu horretara eta zergatik.

Momentuz 700 lagunetik gora izena eman dute maiatzaren 15etik 25era egingo den Euskaraldian Ahobizi ala Belarriprest gisa, eta 121 entitatek. Txapak maiatzaren 3an Portuan banatzen hasiko diren honetan, izena eman eta norberea eskatzeko deia luzatzearekin batera, "Euskarari ximiko!" egiteko antolatutako ekimenetan parte hartzera animatu dituzte. Haien artean maiatzaren 24an ospatuko den herri bazkari eta Euskaraoke Herrikoian, aurretik izena eman beharra baitago.   

Hendaiako Gizarte Ekintzarako Udal Zerbitzua, Gurutze Gorria, Txoko elkartea eta Atherbea elkarteak abenduaren 1tik martxoaren 31 arte kudeatu duten Hotz Planari aurre egiteko aterpetxea, udako sasoilariei ostatu emateko bideratuko dute maiatzaren 1etik urrira bitartean. Kanpaina turistiko bete-betean, udako langileek dituzten zailtasunei alternatiba eman nahi die herriko etxeak bertan. 

Txingudi BHI ikastetxeko ikasleek Erasmus+ programan parte hartu dute aurten aurreneko aldiz. Nazioartean esperientzia hartu eta atzerriko hizkuntzak praktikatzeko muxu truk aukera ematen duen europar ekimenarekin bat egin du zentroak 2027 urtea arte. Frantseseko 4. DBHko ikasleek Bretainiako Ploemeur herrira bidaiatuko dute maiatza bukaeran, neguan bretoiak haien etxeetan jaso ondoren. Eta ingelesekoek Estoniako Tallinn ezagutu eta gero, maiatzaren 5ean jasoko dute estoniarren bisita Irunen.

"Emakumeak, kirola eta osasuna" jardunaldia antolatu du Ane Bayok Hondarribiko Udalaren laguntzarekin. Maiatzaren 9an (18:30ean) Itsas Etxean, Teresa Errandonea, Izaskun Oses, Malen Osa, Jihad Essoubai atletak eta nutrizionista, psikologo eta fisioterapeuta bana gonbidatu ditu haien jakintza eta eskarmentua partekatzeko. Kirol aukera berdinzaleago bat sustatzeaz gain, emakumeek gainditu beharreko oztopoak eta erronkak aztertuko dituzte, emakumeen beharretara egokitutako kirola osasun integralerako tresna bilaka dadin.

Urtebeteko etenaldiaren ondotik, maiatzaren 10ean Urdanibia plazan izanen da Irungo 27. Sagardo Eguna. Hamar sagardotegiren sagarnoa eta hamaika elkarteren pintxoak dastatzen ahalko dira, eta arratsalde eta gaueko animazioa izanen da.

Biztanle errolda bere horretan mantentzen bada ere, urtero 700 lagun inguruk herria uzten dutela identifikatu du udalak, eta «horrek esan nahi du ahalmen ekonomiko altuagoa duten pertsona helduek ordezkatzen dituztela herriko gazte horiek». Udalak "Hondarribia Bizitzeko" jardunaldia antolatu du Itsas Etxean, ostiralean, 17:30etik aurrera, etxebizitza larrialdiaz hausnartu eta alternatibak bilatzeko asmoz. Estitxu Urtizberea, Hirigintza ordezkariarekin hitz egin dugu bizitegi-eredu eta herriko etxebizitza arazoaz. 

1940-1945 urteetan nazien eremuetara deportatuak izan ziren irundarrak omendu ditu Nicolas Guerendiain elkarteak. Maiatzaren 5ean aliatuek Mauthausen liberatu zutela 80 urte betetzen direla gogoratzeko, Avenida Zubiaren barandetan pertsona horien izenak jasotzen dituzten panelak ezarri dituzte. 

Bidashop, Mugan, Denok Bat eta Irunbuseko (AUIF) gidariekin adostu dute proposamena, auzokideen ekarpenak jaso eta gero. Isuri Apaleko Eremua epe labur, ertain eta luzeko hiru fasetan garatzeko proposamena aurkeztu zioten Irungo Udalari martxoaren 26an. Ez dute erantzunik jaso, baina «koherenteagoa» delakoan, suposatuko duen onura baino kalte gehiago eragin aurretik, agintariei planak gelditu eta bitan pentsatzeko eskatu diete.

Inoizko Aste Santurik onena egin du Oiasso Museoak terma erromatarrek sortutako ikusminaren bultzadari esker. Apirilaren 17tik 27ra 1.542 bisitari jaso zituzten, iazko datuak hirukoiztuz, eta 2019ko markarik onena (819) ia bikoiztuz. Antolatutako tailer eta bisita gidatuetan %75eko okupazioa izan dute opor egun horietan. Maiatzaren 1ean museoa eta termen aztarnategia irekita mantenduko dute.

Duela bi aste Eusko Jaurlaritzak eta Irungo Udalak iragarri zuten bezala, Hiru Urteko Ekintza Plana aktibatu eta mila etxebizitza berri inguru eraikitzea ahalbidetzeaz gain, 10 urteko epean 2.190 etxebizitza berri aurreikusten dira, horietatik 1.772 alokairu sozialekoak. Alokairu pribatuen prezioak mugatzea eta hutsik dauden 1.131 etxebizitza pribatuak merkatura atera arazteko neurriak ere hartu ahal izango dituzte.  

Berako Udalak “Lehenbiziko” izokinaren harrapaketa antolatu du, Nafarroako Gobernuaren baimenarekin. Jarduera tradizional hau ez da arrantza-denboraldi arruntaren parte, eta baldintza zehatzak bete behar dira parte hartzeko. Maiatzaren 10etik ekainaren 30era arte egingo da, Bidasoa ibaiaren zatian. Parte hartzaileek izokin bakarra harrapatzeko aukera izango dute, hainbat erabilera posibleekin

Hogei urteren ondotik, erlojupeko batekin hasiko da 2025eko Bidasoa Itzulia. Ondotik, Irurita-Bera eta Hendaia-Irun etapak osatu beharko dituzte txirrindulariek. Oztopoak oztopo, zuzendaritza talde berrituarekin, ibilbidea egiten segitzen du estatuko afizionatu mailako lasterketarik garrantzitsuenak. 18 talderen partehartzea izanen du, Euskal Herriko, Bidasoako eta mundu mailako txirrindulari gazte onenekin. 

Maiatzaren 22an Enpleguaren Asteak logistika, merkataritza, ostalaritza edota gizarte-osasun zerbitzuen sektoreko 383 lanpostu aukera eskainiko ditu Ficoban. Bidasoa Bizirik garapen agentziak antolatzen duen XXXII. edizio honetan, 37 enpresek izena eman dute, eta ohikoa den bezala, mugaz gaindiko enplegu bilaketarako Lanbide-Eures, France Travail eta Nafarroako Enplegu Zerbitzuak ere parte hartuko dute.

Udalak etxebizitza larrialdiaren aurrean alternatibak bilatzeko "Hondarribia Bizitzeko" jardunaldia antolatu du maiatzaren 2an eta 3an Itsas Etxean. Herritarren «mentalitatean iraultza» bilatzeko etxebizitza alternatiba posibleetaz hausnartzeko hainbat aditu gonbidatu dituzte ostiralean 17:30etatik aurrera. Larunbatean, etxebizitzaren aldeko aldarrikapenak musikaren bidez jarraituko du, 20:00etan (15 eurotan) Biznaga, Adur eta Dolerme taldeen kontzertuekin.