Iraganeko musika entzun dugu gaurko emanaldian. 70. hamarkadan euskal Rock&Roll-ak arnasa hartu zuen lehen aldiz. Britaina Handitik zetozen doinuak ere euskaraz sortzeko beharra sentitu zuen garaiko gazteriak.  Koska, Errobi, Enbor edo Niko Etxart izan ziren aldaketa sortzeko prest egon ziren talde zein musikariak.

Alberto Lasa Ansalak Hiriko Urrezko Intsignia jaso du gaur, jendez gainezkatu den udaletxean ospatutako ekitaldi hunkigarri batean. 

Hilaren 8tik 30era San Juan plazako, Colon pasealekuko eta Mendibilgo aparkalekuetan 12 orduz aparkatu ahal izango da 1,99 euroren truke. Irungo Udalak eta Telpark enpresak indarrak batu dituzte "Multipass" bonoari esker, tokiko ostalaritza eta merkataritza bultzatzeko asmoz.

Real Unionen lehen taldeak 2025/26 denboraldiari hasiera emanen dio asteburu honetan, Amorebietaren kontra jokatuko duen partiduarekin. Lehen RFEF mailatik Bigarrenera jeitsi da talde irundarra eta honek murrizketak eragin ditu klubaren barne antolakuntzan. Hala ere, Igor Emery Real Uniongo Administrazio Kontseiluko presidenteak adierazi duenez, eurek hasitako proiektuak aitzinera segituko du helburu berarekin: haztea eta noizbait, modu egokienean, profesionaltasunera ailegatzea.

Igor Enparan alkateak irailaren 1ean sinatutako dekretuak indarrean jarraituko du irailaren 8an. Epaileak atzera bota du Alardea arautzeko udal-dekretua kautelarki indargabetzeko HAOSEk aurkeztutako errekurtsoa. Alkateak baikorki baloratu du erabakia, eta HAOSEko buruzagiei «ebazpena bete eta udalaren zilegitasunaren gainetik ez dezatela jardun» eskatu die, baita arduraz joka dezatela ere, «herritarren arteko tentsiorik sor ez dadin eta duela urte askotako garai ilunetara ez itzultzeko».

Ama Guadalupekoa laugarren sailkatu zen atzo Donostian, itsaso zakarrari arraunkera maila polit batekin erantzunez. Igandean bigarren txandan ariko dira Mikel Orbañanosen mutilak Donostiarra, Isuntza eta San Juanekin batera. Hondarribia Arraun Elkarteak pleno egin du aurten ere Kontxan, neska zein mutilak sailkatuta. 

Abuztuaren 31n jarri zuten martxan garbiketa dispositiboa, eta jaietako egun handienetan kaleak garbi mantentzeko goizeko 5etan lanean hasiko dituzten 120 lanaldi gehigarri bideratuko dituzte. Txosnetan 15.600 edalontzi berrerabilgarri jarriko dituzte, eta jende gehien biltzen den eremuetan, aurten 17 birziklatze-gune jarri dituzte.

Antxetatik Nafarroara (2025-09-04)

Hondarribiko EH Bilduk kritika zorrotza egin dio udal gobernukide duen Igor Enparan alkateari, Alarde egunerako sinatutako dekretuak "segregazioa" eragiteaz gain, ez duelako gatazkan aurrerapenik suposatzen. "Eskubideetaz ari garenean, aurrerapauso eza atzera egitea da" haien ustez. Irailaren 9tik aurrera Alardearen auzia "behin betirako konpontzeko" proposamen berri bat lantzeko prest daudela iragarri dute.

Irailaren 1ean alkateak sinatu zuen Alardearen inguruko espazio publikoa arautzeko dekretuak kritika zorrotzak jaso ditu aurten. «Tentsio sozialak eta inor asetuta ez egoteak» kezkatzen du alkatea, baina adostasun faltaren aurrean erregulatu beharretan dagoela gogoratu du. Bestalde, HAOSEk dekretuari aurkeztutako helegitearekin «udalaren erabakia deslegitimatzen» saiatu direla uste du Enparanek, eta orain batzuk eta besteek «epaileak erabakitakoa onartu beharko dutela».

 

Instrumentuak eskuan eta gogoa bihotzean. Horrela igo nahi lukete Ezinegon erromeria taldeko kideek Euskal Herriko herrietako oholtzetara. Elgorriagan eta Arantzan izan dira jadanik, eta «esperientzia arras politak» izan zirela azaldu digute Xuban eta Julen Zelaietak, taldeko kideak diren anaiek. Erromeria doinuetan murgilduta segitzeko asmoa dute, taldeak martxa har dezan.

The Cranberries, The Smiths, Queen, The Beatles edo Gorka Urbizu aditzeko parada izan dugu gaur, iraileko lehen asteko musika efemerdieak oroituz.

Irailaren 7an eta 14an ospatuko da aurtengo Kontxako Bandera, eta Hondarribiako emakumeek atzo lortu zuten sailkatzea. Hondarribitarrekin batera, Arraun Lagunak, Orio, Tolosaldea, Donostiarra, Hibaika, Astillero eta Zumaia arituko dira lehian.

Irailaren 10ean Palmera Montero gunean (19:00) aurrez aurreko bilera batekin ekingo diote proposamenak biltzeko faseari. Internet bidez ere irailaren 11tik 15era egin ahalko dira ekarpenak, eta hautatuko diren 40 proiektu finalisten bozketa urriaren 3tik 7ra egingo dute.

 

“Doakotasunerantz, Herritarron Beka” aurkeztu dute BDS Koop-ek eta Irungo AEK euskaltegiak. Eusko Jaurlaritza eta Irungo Udalaren diru laguntzak ikastaroa behin amaitutakoan ematen dituzte, eta dirua aurreratu ezin duten ikasleei laguntzeko helburua du ekimenak, «baliabide ekonomikoa ez dadin izan euskara ikasteko traba». Dirua BDS Koopek aurreratuko badu ere, urtean 10, 20 ala 50 euroko laguntza emateko prest dauden herritarren sarea osatu nahi dute horretarako.

Israelek Palestinaren aurka burutzen duen genozidioa eta gosetea salatzeko, eta Europa eta bertako erakundeei Israelekin harreman oro etetea eskatzeko, Gernika Palestina Herri Ekimenak, elkarretaratze zaratatsuak deitu ditu ostiralean Euskal Herriko udaletxeen aurrean.Irunen San Juan plazan eta Urruñan herriko etxeren aurrean arratsaldeko 19:00tan. Iñaki Lopez de Luzuriaga, Gernika Palestina Herri ekimeneko kiderekin hitzegin dugu

Jaizkibel konpainia Salbean eta Arma plazako Aurreskuan egoteko baimena onartuta, irailaren 8ko gatazka hilaren 7ra ere hedatu delakoan daude jeltzaleak. HAOSEk aurreratu duenez, baimena eskatu bazuen ere, ez du konpainia parekidearekin plaza partekatuko. 

Irailaren 19an jokatuko du Amianok bere lehen partida profesional gisa. Baiko enpresaren eskutik emanen du jauzi hori eta Uranzun izanen da debuta, bere hiriko frontoian alegia. Martxel Iztuetarekin bikote eginez, Erik Jaka eta Ander Imaz izanen ditu pilotariak ibilbide honetan lehen aurkariak. 

Gure inguruko musikarien zenbait kontzerturen zatitxoak aditu ditugu gaurko emanaldian. Zaunka, Ibil bedi, Nakar, Tatxers, Toc edo Izaroren kontzertuak hain zuzen.

 

Argazkia: erran.eus

Lesakako Arretxea kaleko hamaikagarrenean jarri dugu hitzordua. Paretei antzematen zaie margotu berriak daudela, eta bertako produktuak zein ekologikoak direnak txukun-txukun daude lekualdatutako apaletan. Ailegatu berri diren kaxak husten ari da Itziar Telletxea Pitxi lesakarra. Aste honetan bertan hartuko dio ofizilaki lekukoa aitzineko jabeari, eta Oreka ekodendak ateak irekiko ditu.