Datorren ekintzak

JAIAK HERRIAN!!!!!!!

ZKA argitaratua 2 / Api / 2014

foto

Jada jakingo duzu Irungo udal gobernuak jaietako Moskuko gunea FICOBA-ra eraman nahi duela. Hori ekidin nahian tabernariak, eragile sozialak, elkarteak eta norbanakoak mugitzen ari dira. 

EH Bilduk ere bilera zabal bat burutu zuen martxoaren 20an eta bere jarrera publikoki azaldu du azkenekoa atzo bertan. Bide horretan eta EH Bilduk egindako bileran SAC-en erregistro bidez eskaerak sartzea proposatu zen eta horri bide emanez eredu bat bidaltzen dizuegu (Hemen deskargatzea).

Zer egin horrekin? Lehenik eta behin zuen izenarekin bete eta SAC-en edo internet bidez erregistratu. Horretaz gain, zuen lagun eta kontaktuei bidali beraiek berdina egin dezaten.

LAB sindikatuak Maiatzaren 1a Irunen ospatuko du

ZKA argitaratua 26 / Api / 2014

ArgazkiaAurtengo maiatzaren lehenean Oarso Bidasoako LAB Irunen egongo gara “langileok erabaki Euskal Herriak erabaki dezan” lelopean.

Bertan, krisia iruzur handi bat dela salatuko dugu, iruzur politiko ikaragarria hasieratik. Izan ere, inork ez du ardurarik bereganatu, are gehiago, langileoi egin gaituzte erantzule, aberatsak gero eta aberatsago, eta pobreak gero eta pobreago bilakatuz. Krisiak aurretik eraman du produkzio esparrua espekulazioaren mesedetan. Gainera, egoera gainditzeko saldu dizkiguten aitzakiekin erreforma estrukturala inposatzen ari digute, eredu soziala goitik behera aldatuz. 

Mugitu-k maleta-hamarrak jartzen ditu TAV-aren ustelkeria salatzeko

ZKA argitaratua 23 / Mai / 2014

fotoMugitu Mugimendua.- Mugitu! Mugimendutik, AHTren aurkako desobedientzia zibilaren mugimendua, Abiadura Handiko Trena ustelkeriatik garatutako proiektu iluna dela ozen eta argi salatu nahi dugu. Milaka milioiren xahuketa eta lurren txikizioa izateaz gain, AHTa proiektu hondatzaile bezala ari da indartzen, zein, osasungintzan, hezkuntzan eta zerbitzu sozialen murrizketa sendoen testuinguruan geure poltsikoak hipotekatzen ari den harri pisutsua dugun. Baina ez bakarrik hori; behin baino gehiagotan esan dugun bezala, honelako azpiegitura lan handiak dituen ezaugarriak ikusirik, askok pastel politiko eta ekonomikoaren zatia lortzen dute. Maletaren irudiarekin, eraikuntza enpresa handien eta arduradun politiko batzuen elkar hartzea azaldu nahi izan dugu. Batzuk lan publikoetako sektorean kontratu xamurren eta negozio partikularren jabe egiten diren bitartean, besteak, kantitate ekonomiko handiak jasotzen dituzte trukean.

Eusko Jaurlaritzak Hondarribiko alardeari buruz argitaratutako azterlanaren gainean Hondarribiko EHBilduren balorazioa

sugorri argitaratua 16 / Eka / 2014

Pasa den astean Eusko Jaurlaritzako Lehendakaritzak, Bake eta Bizikidetzarako Idazkaritza Nagusiaren eta Prospekzio Soziologikoen Kabinetearen bitartez Hondarribiko herritarrek alardearen gainean dituzten jarrerei buruz argitaratutako azterlanaren  harira, Hondarribiko EH Bildutik  honakoa adierazi nahi dugu:

Alde batetik, ikerketa honen emaitzek nabarmentzen duten lehen datu esanguratsua hankaz gora botatzen duela Hondarribiko biztanleen gehiengo zabala alarde tradizional bakar baten aldekoa denaren ustea da.  Emaitzak pare pare jartzen dituzte herriko bi iritziak, batetik tradizionalaren aldekoen kopurua %42 koa eta bestetik, emakumeak alardean parte hartzen duten hainbat ereduren aldeko jarreretan elkartzen direnen kopurua %43koa.

Bertso saioa uztailaren 1ean

ZKA argitaratua 26 / Eka / 2014

kartelaIRUNABAR Irungo bertsoaren Bilgunea.- Udan sartu berri garen honetan, San Martzialak ere ate joka ditugu, eta Irungo jaien aitzakian antolatutako bertso saioaren berri ematera gatozkizue.

Bertso saioa, urtero bezala, uztailaren 1ean izango da. Aurten Amets Arzallus hendaiarra, Alaia Martin oiartzuarra, Jon Maia zumaiarra eta Aitor Errazkin irundarra izango dira Peña kalean kokatuko den saioko protagonistak, eta Zuhaitz Olazabalek egingo ditu gai-jartzaile lanak.