Agroelikaduraren sektoreko enpresen garapenaren alde apustu egiten jarraitzen dute Irungo eta Hondarribiko Udalek, Bidasoa Bizirik-en bidez. Proiektu honek Irun Factory-n hasitako lan ildoari jarraipena ematen dio. Hiriko sortzaileen enpresa ekimenak babesten dituzte. Hondarribian ere, diseinua kontuan hartu dute ekonomia sustatzeko azken ekimenetan. Artisauekin eta diseinatzaileekin lanean ari dira, pieza berriak sortzeko proiektu batean.

Turismo bulegoetan hartutako bisitariak
14.653 bisitari izan dira Irungo eta Hondarribiko turismo bulegoetan, 2015eko uztailan. 13.074 hurbildu dira Arma Plazako eta Hondarribiko Kirol Kaiko bulegoetara. Irungo Luis Marianokoan, 1.579 hartu dituzte. Kopuru positiboa da, 2014an baino 2.481 gehiago izan direlako bisitariak, guztira.

Bisitarien jatorria

Bidasoa Bizirik.- Irungo Udalak, Bidasoa Bizirik-en bidez, IrunLab Industria 2015 jarriko du martxan. Programa horretan, Irungo hiru enpresa industrialek sorkuntzarekin lotutako ekintzak garatuko dituzte, antolaketa berritzeko proiektuak sortzeko asmoz. Abangoardiako metodologiak aplikatuko dituzten artista eta sortzaileek parte hartuko dute proiektuan.

Bidasoa Bizirik.- deiakbizirik.com blog-a erabilita, Bidasoa eskualdean hazten ari den ekintzaileen komunitateari zuzendutako informazio zerbitzu hurbila, dinamikoa eta irekia eskaintzen dute Irungo eta Hondarribiko Udalek, Bidasoa Bizirik-en bidez.

Bidasoa Bizirik.- Bukatu da 2014-2015 ikasturtea enplegurako formazio ikastaroetan parte hartu duten ia 200 lagunentzat. Irungo Udalak eta Hondarribiko Udalak antolatu dituzte, beste behin ere, Bidasoa Bizirik-en bidez.

Bidasoa bizirik.- Gutxi falta da XV Enpleguaren Asteko aurrez aurreko lan elkarrizketak egiteko. Ekainaren 11n izango dira, FICOBAN. Eskaintza aberastuko duen jardueren multzoa ere egongo da aurtengo edizioan.