Ia bi hilabete behar izan ditugu udal lokal bat erabiltzeko baimena lortzeko
Abotsanitz.- Eskaera egin eta bi hilabetera Auzoka dinamikaren barruan herritarrekin biltzeko udal areto bat erabiltzeko baimena lortu du Abotsanitz Udal Taldeak. Momentuz baimen bakarra, eta hamaika aldiz eskatu, erreguka ibili eta mahai gainean kolpea jo egin behar izan dugu baimen hori lortzeko.
Herriko ehun ekonomikoa babesteko proposamenak aurkeztu ditu Abotsanitzek
Abotsanitz.-Pandemiaren bigarren olatua bizitzen ari gara. Ez dakigu zein bilakaera izango duen, edo hirugarren batek jarraituko ote dion. Baina argi dago herriko ekonomia astinduko duen bigarren kolpea iristear dela. Udaberrian sufritu zuten askok berriro gaizki pasako dute urritik aurrera. Adituek diotenaren arabera, urte amaiera oso latza izango da hondarribiar askorentzat.
Abotsanitz.- Abotsanitz Auzoka aurkezteko elkartu zaituztegu hemen. Abotsanitz Udal Taldearen dinamika berri bat da, abuztua erdialdean abiatu genuena eta azarora arte luzatuko dena. Helburua, herritarren kezkak eta eskaerak haien ahotik ezagutzea. Abotsanitzen eguneroko jardunaren oinarria herritarren beharrak izan behar dira. Behar horiek ezagutzen ez baditugu, gure jarduna ez da eraginkorra izango. Aldiz, ezagutzen baditugu, eta, batez ere, herritarrengandik beraiengandik ezagutuz gero, horrek Hondarribia hobetzeko lan egiten lagundu digu.
Abotsanitz.- Batzuk neurri zorrotzekin (taberna eta jatetxeak, dendak,,,), beste batzuk nola edo hala (lantegiak, eskolak...), baina dena irekita dago, udal bulegoak salbu. Udal tramite guztiak BAZ bulegora bideratzen dira, eta bertako langileak erabat gaindituta daude.
Abotsanitz.- Hondarribiko Udalak ikasle bakoitzeko bina musuko berrerabilgarri eros ditzala eskatu du gaur Abotsanitz Udal Taldeak.
Abotsanitz.- Ezer baino lehen, herritarren jarrera goraipatu nahi dugu, egun hain berezi hauek modu arduratsu eta txalogarrian bizitu dituztelako, nahiz eta udal gobernuak informazio eta prebentzio puntuak ez burutzea erabaki zuen arren.
Abotsanitz.- Joan den astean Hondarribiko udal taldeok ez-jaien inguruan adierazpen instituzional bat adostu genuela baieztatu zuen Txomin Sagarzazu alkateak komunikabideen aurrean. Gezurra zen, ez zen halakorik. Larria da alkate batek gezurra esatea, baina Hondarribikoak hainbestetan egin du, ezen ja ez baikaitu harritzen.
