Gaur arte, eguerdiko 12:30tan, Sarjia parkeko sarreran, larunbatero euskal presoen eskubideen defentsan kontzentrazioak burutzen ziren. Antolatzaileen arabera, Moskun aurrera eramaten ari diren lanengatik lekuz aldatzea erabaki dute.
Bihartik aurrera, elkarretaratzeak larunbatero, 12:30tan, Ama Shantalen kaleko zubi gainean izango dira.
Hilabeteko azken ostiralero bezala, atzo ere preso eta iheslarien eskubideak aldarrikatu ziren Irunen. Baina ohiko elkarretatzea egin beharrean, hamarnaka lagunek, zuziak hartuta, Irungo hiriaren erdialdeko kaleetatik preso eta iheslariei elkartasuna adierazi zieten.
Gaur eguerdian, Irungo Tantaz Tanta ekimenak, prentsaurreko masibo batean, gabonetan preso eta iheslari politikoen eskubideak aldarrikatzeko burutuko dituzten mobilizazioak ezagutzera eman dituzte.
Deialdiak:
- abenduak 24, asteartea
· 19:00tan kontzentrazioa San Juan plazan.
- abenduak 27, azken ostirala
· 20:00tan Zabaltza plazatik manifestazioa zuziekin.
Uztailaren 21ean Euskal Herriko hondartzetan elkarretaratzeak egingo dira sakabanaketa politika salatzeko, eguerdiko 12:00ak eta 13:00ak artean.
Aurten es da Hondarribian egingo, beraz, Hendaiako hondartzetan elkartuko da.
behatokia.info-. behatokia.info-. ELDH Europako Abokatu Elkarteak, mozio bat publiko egin berri du, Estrasburgoko epaitegiak Ines del Rio auzian Parot Doktrina Europako Giza Eskubide Hitzarmenaren aurkakoa zela erabaki zuen urtemugan.
Publikatu berri duen mozioan, zeina nazioarteko zirkulu juridikotan banatzen ari den, giza eskubideen bortxaketa ezberdinak jasotzen dituzten azkeneko nazioarteko txostenak biltzen dira, hala nola CPT Europako Kontseiluko azkeneko bisitaren ondorio txostena, Amnesty International, Estrasburgoko auzitegiko aurreko beste erabaki batzuk, edota Nazio Batuetako Giza Eskubide Komitearen ebazpena, non Espainia kondenatzen den Maria Atxabalek pairatutako torturengatik atxiloketa inkomunikatua iraun zuen bitartean.
Ostiral arratsaldean Irunen bizi osorako espetxe zigorra salatzeko eta Juanra eta Gabrielen (197/2006 doktrina aplitatu zaien irungo preso politikoak) askatasuna eskatzeko manifestazioa burutu zen.
