Heldu den asteazkenean, 26, 19tan Lakaxitan gelditu gara antolatzen hasi nahi diren sukaldaritza begano tailerrei buruz hitz egiteko. Hurbildu interesa baduzue.
Urriaren 25ean, 20:00tan kontzertua izango da Irungo Lakaxita gaztetxean. Triple X eta Zotz! ariko dira zuzenean.
TRIPLE X (Kolonbia)
Bogota hiritik punk rock azkarra. Leonor SS edo Siniestro Total taldeen orditan
ZOTZ! (Irun)
Apurtu taldean ibilitako musikari batzuk martxan jarritako banda berria. Musikalki 77'ko punka jorratzen dute.
Lakaxitatik, urria feminista bizitzeko proposamenarekin gatoz berriz!
Kasu honetan, "Maitasun deserosoak. Gizonen hausnarketak eta bizipenak amodioaz" tailerraz gozatzeko aukera edukiko dugu Jaime Altuna antropologoarekin. Bertan, parekidetasunaren ikuspegitik, maitasuna eraikitzeko eta bizitzeko moduez solastuko dugu, eta bereziki hau gizonen ikuspegitik nola ematen den.
Asteartean, urriak 18, kontzertu akustikoa bikoitza izango dugu Irungo Lakaxitan. Stef Ketteringham musikari ingelesa nazioarteko bira betean murgilduta dago, eta geldialdia egingo du Irunen, bere bakarkako lehen diskoa aurkezteko. Shield Your Eyes taldeko gitarjole eta abeslaria Frantzian barrena ibili ondoren Euskal Herrira iritsiko da, eta hau izango da haren lehen emanaldia. 20etan hasiko da kontzertua Physis versus Nomosek talde donostiarrarekin, ondoren pikatzeko zerbait eskainiko du Lakaxitak, eta 21:30ean joko du Stef Ketteringhamek. Kontzertua doakoa izango da.
Kaixo!! Gaurkoan urriak 12 hispanitatearen eguna izanda Ezker Gantxoa lanera!! Jai egun arrotzei intsumisioa!! Kurtsoko lehen irratsaioa indartsu datorkigu, aurreneko elkarrizketan Amaia izan dugu, bera Ikasle Abertzaleak Urriak 12an antolaturiko herri eskolen inguruan mintzatu zaigu, baita IAk etorkizunean izango dituen erronketaz.
Lakaxitaren kurtso hasiera honetan feminismoa izango dugu ardatz. Fresnesen dauden emakumeen erakusketa batekin hasiko dugu gaur Urri feminista, eta jarduera desberdinak egiten joango gara hilabete osoan zehar, tailerrak, dokumentalak, eta aurrerago komentatuko dizkizugun jarduera gehiago.
