Artiako Lagunak

Euskara

Sustrai helduak, sustrai gazteak, etorkizunaren bermea

ZKA argitaratua 5 / Eka / 2020

Tilos de ArtiaZuhaitz gazte bat landatuko dugu bihar Artia auzoan. Umeek ureztatuko dute, eta beraiek izango dira zuhaitz honen emankortasunaren lekuko: kimuek, haziek, loreek, adaskek, hostoek, enborrak eta euren artean biziko diren ehundaka espezie sasoian-sasoiko itxura eskainiko dute, edertasunaren aurpegi ezberdinak erakutsiz, etengabeko eraldaketan.

Artiako Lagunak elkarteak Ingurumenaren Nazioarteko Eguna ospatuko du larunbat honetan

ZKA argitaratua 3 / Eka / 2020

Ingurumenaren Nazioarteko EgunaArtiako Lagunak auzo taldeak Ingurumenaren Nazioarteko Eguna ospatuko du ekainaren 6an, larunbatean, 18:00etan, Artia auzoko Arenas Carrillo autobus geltokian, Azken Portun Elkartasun Zuhaitza landatuz .

Ospakizuna arratsaldeko 18:00etan hasiko da, Arenas Carrillo autobus geltokiaren atzean, Irungo Udalak mozteko asmoa duen zuhaitz ilararen aurrean. Ekimen sinbolikoa izango da, eta Irungo, Hendaiako eta Hondarribiko auzoetako lurrez landatuko da Elkartasun Zuhaitza.Artiako lagunak etortzen direnei beren auzo, baratza eta lorategietako lurra ekartzera gonbidatzen ditu.

Irungo Artia auzoko ezkien mozketa geldiaraztea eskatzen dio Artiako Lagunak elkarteak Arartekoari

ZKA argitaratua 18 / Mai / 2020

Tilos de ArtiaArtiako Lagunak-Amigos de Artia auzo-plataformak hainbat talderen babesarekin kexa-eskaera bat aurkeztu dio Arartekoari, Juan Thalamas Labandibar/Gl-636 kalean bi fasetako zuhaitz ¡lara bat moztu nahi duelako. Lehenengoa 2020rako onartu da, eta 51 zuhaitz moztuko dira (45 ezki, bi akazia faltsu, 3 astigar eta prunus bat), eta, itxura guztien arabera, bigarren fasean 2021erako egingo da, gainerako 51 ezkiak moztuz.

Ezkiak, udaran itzala, udaberrian eztia

Pertsona bat (ez da egiaztatu) argitaratua 7 / Mai / 2020

Alamo Temblon svgsilh.comEzkiak hosto berde biziz jantzi dira dotore berriro ere, Artia auzoan (Irun). Laister entzungo dira euren baitan babesa aurkitzen duten txorien kanta alaiak. Ezti gozoaren usaina jarioko dute eta itzal ederra zabalduko dute beroaldian. Zorionak laguntzen bagaitu, udazkenean gorrituko dira urtero legez, neguaren biluztasunaren gogoetak lotsaraziko balitu bezala. Neguan, bronkiodun bizidunak direla oroitaraziko digute. Eta berriro iritsiko dira udaberriaren jantziak.

”Ezki bat babestu nahi dut” kanpainari hasiera eman dio Artiako Lagunak taldeak

ZKA argitaratua 6 / Api / 2020

Ezki bat babestuIrungo Udalak bertan behera utzi zuen Artiako 47 ezkiren mozketa. Jon Ugarte, Bide Publiko, Hirigintza Diziplina eta Etxebizitzako zinegotzi ordezkariaren hitzetan “Egungo alarma egoera bukatu arte ez da ezkien mozketarik egingo”.

Orriak

RSS - Artiako Lagunak-rako harpidetza egin