Izaera sinboliko baten itzalpean, marrazki hauek, oro har, errefuxiatuen eta gerraren gaiarekin dute lotura. Chokryren artelanak dira, Tunisiako 42 urteko gizon batenak eta duela hainbat urte Italian sukaldari ibili zen gazte batenak, hain zuzen ere.

2016an, arrazoi pertsonalak eta familiarrak zirela-eta, Europara itzultzea erabaki zuen, etorkizun oparoago bat eraikitzeko xedearekin. Haatik, bere bidea egiten hasi zenean, ezusteko garratza izan zuen: muga guztiak itxita zeuden. Hori horrela, Europara iristeko bidea hamaika zailtasunez bete zitzaion, eta harrapaturik geratu zen hainbat errefuxiatuen kanpalekutan.

Aldi baterako erakusketen segida bati hasiera eman dio Bidasoa-Txingudi Mugaz Gaindiko Partzuergoak, Bidasoko Interpretazio Zentroan, Abenida zubian (Iparralde etorbidea, 63). Euskal kostaldeko Flysch-ari buruzko erakusketa da, Hendaiako CPIE - Euskal Itsasbazterra kostaldearen babeserako erakundeak, eta Luberri Fundazioa Oiartzungo geologia interpretazio guneak antolatua.

1939an, erbesterako bidean, muga trumilka zeharkatu zuten errepublikano espainiarrak garaituta, ez ziren garaituak sentitzen izpirituan, borroka jarraitzeko asmo a zuten, herrian bertan eta Pirinioetatik harago ere bai, hiru hamarkada luzeetan, eta behar izanez gero, beraien idealen proba diren iraunkortasunarekin eta eroapenarekin.

Amnesty International.- Erakusketa Kabigorri Bidasoaldeko Ateneoan ikusi ahal izango da, ostegunetik larubatera arratsaldeko 19:00tatik aurrera, martxoaren 16tik apirilaren 22ra.

Zazpi paneleko erakusketa honetan, mundu osoko emakume eta neskatxek euren giza eskubideei begira jasaten dituzten desberdinkeria-, diskriminazio- eta urraketa-egoerak ikus daitezke, hainbat herrialdetako adibideen eta istorio pertsonalen bidez.

CARITAS GIPUZKOAk, Ficoban, ‘Gizarte ekintzaren erronkak’ izenburupean ospatuko duen Batzarra baliatuz, gaurtik, martxoak 13tik, martxoak 26ra arte, ‘Aparkatu zure axolagabetasuna’ erakusketaren eskutik, gizarte bazterkeria egoerak era ezberdin batean ezagutaraziko ditugu Bidasoa eskualdean.
 
Eta non egongo da ikusgai erakusketa? Colon pasealekuko parking-ean. Nola? Bai, bai, parking-ean bertan.