ELA Sindikatua.- Uvesco enpresak Dai96 enpresa azpikontratatzen du bere taldeko enpresen garbiketan jarduteko (BM eta Super Amara enpresak). 8 urtez baino gehiagoz, garbitzaileek hilabetero atzerapenak edukitzen dituzte soldata kobratzeko orduan. Gaur egun adibidez, askok ez dute maiatza kobratu, eta apirila kobratu ez duenik ere badago.
Irungo Harrotasun Kritiko.- Ekainaren 28an Irun aldarrikapenez bete eta San Martzialek ukatu diguten lekua berreskuratu nahi duzu? LGTBIQA+ mugimenduak jasaten dugun instrumentalizazioaz zein kapitalismo arrosaz nazkatuta zaude? Komunitatea egin nahi duzu? Zatoz gurekin bazterrak nahasi eta lumak harrotasunez astintzera!
Alarde Parekidearen Junta.- Atzoko entseguen amaieran, txilibitoa jotzen ari ziren emakume gazte batzuek San Juan plazatik alde egin behar izan zuten, "joan daitezela, joan daitezela" oihukatu zuten mutil talde baten ondorioz.
Irungo Sortu, Irungo Ernai eta Hazia Elkartea.- Guztiek gozatzeko egunak izan daitezen gogorarazten dugu festa seguruak izatea denon ardura dela. Herritarrei zein festan parte izango dan edonori deia egiten diogu; jarrera inbasibo, erasokor, edota bestelakorik ikusiz gero beste aldera ez begiratzeko, EZ IZAN KONPLIZE!!
CCOO-LAB-ESK-UGT.- Irungo Correoseko langileek greba partzialak iragarri dituzte, uztailaren 3an hasi eta mugarik gabe luzatuko direnak. Lanpostuak ez betetzea kezkagarria da, eta denbora asko daramate egoera hori jasaten. lrunen muga guztiak gainditu dira, eta 9 lanpostu bete gabe geratu dira. 800 jakinarazpen baino gehiago pilatu dira hauteskunde osteko aldian, eta enpresak ez du inolako errefortzurik kontratatu edo hutsik dauden lanpostuak bete.
EGUZKI Bidasoaldea.- Berriro ere, harritu gabe, prentsaren bidez jakin dugu, Txingudiko naturguneen konektibitatea kontzeptupean, Bidasoako hiru hirien bizikleten eta oinezkoen arteko lotura deitzen duten bidegorriaren zati bat eraikitzeko lanak lizitatu berri dituela Eusko Jaurlaritzak. Behin eta berriz esango dugu, baina Txingudiko naturguneen benetako konektibitatea naturagune babestuaren habitaten egungo zatiketa konpontzearen ikuspegitik soilik har daiteke kontuan, haien arteko beharrezko elkarreragin ekologikoa lehengoratuz.
Irungo EH Bildu.- Udalbatza berria osatuta, larunbatean hasiera eman zitzaion legegintzaldi berriari eta Irungo EH Bildun aukera baliatu nahi dugu irundarren babesa eskertzeko. Izan ere, gure herrian parte hartzeak nabarmenki behera egin zuen arren, gure taldeak orain dela lau urte baino boto gehiago jaso zituen, eta zinegotzi kopuruan ere gora egin dugu.
