#AgurSantano Game Over!!

fotoAgur Santano.- Historikoki herriak, pertsonez osaturiko herriak, injustizien aurrean altxatu izan dira. Ez da, beraz, ezer berria. Herriaren haserrea sortzen duenak, herria bera topatu du aurrean nahikoa dela esanez.

Hau gertatu da Irunen. Orain eta beste hainbatetan. Baina oraingoan indar gehiagoz dator errebindikazioa, ilusioz eta esperantzaz jantzia, gauzak behingoz aldatu behar direnaren sinesmen geldiezinarekin.

Lanbroa Zubietaren gainean

Finca Zubieta -Hondarribia-Bidasoaldeko Lagunak.- Arrautz guztiak otarr berean jartzeak kolpe batean denak galtzeko arriskua onartzea suposatzen du. Merkataritzan ere, egokia izaten da bezeroen aniztasuna bermatzea salerosketa bezero mota bakar baten menpe ez geratzeko. Tira, espazio publikoek ere, larrialdiko irteerak eduki behar dituzte eta itsasontziek salbamendu-txalupak. Hau horrela izanik, nekez uler edo onar daiteke Plaiaundiko kirol instalazioen berkokapenerako soil soilik Zubietako aukera aurreikustea. Arbesen aparkaleku bat eraikitzeak edo Irunvik San Miguel-Anakan lursailak erosteak, orain arte planteatu diren alternatibarik bideragarrienak bertan behera uzbeko asmoa erakusten dute, Zubieta aukera bakarra modura utziz.

Irungo eskola denez, Txingudi Ikastolan Irungo Udaltzaingoa behar dugu

fotoTXINGUDI IKASTOLAKO GURASOEN ELKARTEA.- Txingudi Ikastolako parkinean, haurrak utzi eta jasotzeko garaian, sortzen den egoeraren berri eman genuen aspaldi. Eta egoera horri konponbidea emateko hainbat bilera egin ondoren, oraindik, ez digu inork konponbiderik eskeini.

PSE-ren hauteskunde propagandaren aurrean

logo

KALERATZEEI STOP DESAHUCIOS BIDASOA.- Kaleratzeei Stop Desahucios Bidasoatik, Jose antonio Santano eta errepresentatzen duen Irungo PSE-ko alderdiak, hurrengo hauteskudeei begira, iragarki elektoralean egiten dituen konpromezuek sortzen digun haserrea publikoki salatu nahi dugu.

Propaganda honen zortzigarren puntuan, hain zuzen, kaleraketak geldiarazi dituela baieztatzeaz gain, Irunen aholkularitza bulego berritzaile bat sortu duela dio, kaleraketak gaitzetsi eta emergentzia sozial honen arazoe eragindako pertsonei arreta emateko.

Mozal Legearen gainetik, kazetaritza ez da delitua #KazetaritzaEzDaDelitua

#KazetaritzaEzDaDelitua

Euskaldunon Egunkariaren aurkako epaiketa bidegabea bertan behera geratu izana ospatu genuen iaz Euskal Herriko gizartearen eta komunikabideen gehiengoak. Baina 2014 amaitu aurretik, gure lanbidearen jardun askea baldintzatzen duen beste kasu batek asaldatu gintuen, eta beste behin, adierazpen askatasunaren alde agertu beharrean gaude. Topatu.info hedabidearen aurkako bidegabekeria eta ildo errepresiboan sakontzera datorren Espainiako Gobernuaren Mozal Legea (gaztelaniaz Ley Mordaza) salatu nahi ditugu.

Zubieta ez da benetako alternatiba

Finca Zubieta -Hondarribia-BIDASOALDEKO LAGUNAK.- Duela 24 bat urte (1991eko abenduaren 5ean) Eusko Jaurlaritzak, Gipuzkoako Foru Aldundiak eta Irun eta Hondarribiko Udalek kooperazio hitzarmen bat sinatu zuten Txingudiko Badia berreskuratzeko, mantentzeko eta babesteko. Aipatu hitzarmena 1993eko uztailaren 8an erakunde berdinek berretsi zuten AKORDIO baten bidez eta horretatik Txingudiko Baliabide Naturalen Babespenerako eta Ordenaziorako Plan Berezia sortu zen. 93ko AKORDIO horretan jadanik agertzen zen Plaiauandiko kirol instalazioak babestutako eremutik ateratzeko konpromezua. Hala ere, konpromezu hori bete gabe jarraitzen du gaur egun eta, okerrena dena, ez dago inongo itxaropenik hurrengo urteetan burutuko denik.

Gipuzkoako aberastasunaren gaineko zerga: isiluneak eta argudioak

Hush!Isidro Esnaola Herrero. Gipuzkoako Foru Aldundiako Zerbitzuetako eta Zerga Heziketako zuzendari nagusia.- Harrigarri samarra izan zen Gipuzkoan aberastasunaren eta fortuna handien gaineko zerga aurkeztean eztabaida apala egotea. Orain, ordea, deigarria da zerga horren inguruan espantuka hasi izana. Gainera, uholdeka datoz imintzioak:. isilune luze baten ondorioz, adierazpen eta baieztapen kritikoen andana dator; batzuek, gainera, erabat mespretxatzen dute zerga hori. Ikusirik zer ordenatan etorri diren adierazpenak, bultzada politiko bati jarraitzen diotela dirudi.

Mercadona-ren irekitzearen aurreko LAB sindikatuaren komunikatua

logoMercadona enpresak EAEn supermerkatuak irekiko dituela eta LABek honakoa adierazi nahi du.

Mercadona enpresak hemen dendak zabaltzea berri pozgarritzat jo dute eragile gehienek, lanpostu berriak sortuko dira... Baina esperientziak argi uzten digu kate handi batek sortutako enplegu prekario edo lanaldi partzialeko batek merkataritza txikiko, garraiolari eta bertako ekoizleen 3-5 lanpostu ordezkatzen dituela. Izenburu handietan saltzen digute kate berri hauek sortuko dituzten enpleguak, baina lan kontratu berri hauek oinarrituko diren lan baldintzen inguruko datuak ezkutatu egiten zaizkigu.

Orriak