Zer da okupazioa?
borrokagaraia.- Jabetza pribatuaren kontrako sabotaje edo expropiazioa burutzeko bitartekoa da. Honek, de facto, legalidade burgesa gainditzen duen aktibitate bat eskatzen duelarik. Alegia, sistema juridikoaren limiteak gainditzen ditu praktika honek, horregatik errepresioa ekarri lezake.
Sistema politiko honen zutabe nagusia plusbalioaren eraketan oinarritzen den esplotazio harremana dela kontuan hartuz, honen existentziak jabetza pribatua eta klase sozialak sortu eta etengabe birsortzen ditu, eta horrekin batera, langileria desjabetuaren eta burgesia/jabegoaren arteko klase borroka ematen da.
- Gehiago irakurriZer da okupazioa? -ri buruz
- Logeatu iruzkinak post-eatzeko
LAB Sindikatua.- Urtarrilaren 31ean Irungo udaletxean burututako udal batzan, pentsioak bermatzearen inguruko mozio bat aurkeztu zen. Aldeko botoa eman zuten EH BILDU, PSE, SI SE PUEDE IRUN zein PNVk, eta PPren abstentzioarekin, Irungo Udala Estatu Espainiarrari pentsio legea aldatzea eskatzeko konpromisoa hartu zuen, KPIaren igoeran bermatzeko, 2013ko pentsio erreforma deuseztatzeko bai eta 2010 zein 2012ko lan erreformak baliogabetzeko ere.
Espainiako Audientzia Nazionaleko Espetxe Zaintzako Epaitegiak askatasuna ukatu egin dio Ibon Iparragirre euskal preso politiko larri eriari, bere osasun egoera muturrekoa den arren. Ibon bere familiaren ondora etxera bidali beharrean, Arrasateko Aita Menni burmuineko gaitzetarako ospitalera bidali du.
Atxilotuaren pertsonalitatea deuseztatzea, autoinkulpazioak lortzea, zigor fisikoa aplikatzea, orbain psikologikoak eragitea, umilazioa, beldurra… Hori lortzen du torturak, hori eta askoz gehiago. Estatu batek tortura erabiltzen duenean ez da atxilotuari sufrimendua eragitea bilatzen duen gauza bakarra.
Hondarribiko Udal korporazioa egoera benetan tristean sartuta dago. Bere prentsaurrekoan, Alkate Jaunak elkarrizketaz eta politika egiteaz dihardu, baina egunerokoan oso bestelakoa da bere jarrera, ez baitzaigu eskatutako informazioa eman izan, gure proposamenetariko batzuk ez dira eztabaidatuak izatera iristen....
Cheap food, high wage -ogia merke eta soldata altuak-. 1848an, hauek ziren sustatzaile sutsuen hitzetan Ingalaterra eta Frantziaren artean zerealeak eta beste lehengai batzuen truke askearen hitzarmenak ekarriko zituen onurak; langileen onarpena lortu ahal izateko. Gaur egun, ia 170 urte beranduago, merkatu internazionala gobernatzen duten merkataritza librearen hitzarmenen kopuruak goranzko joera hartu du.
Autogestioak egingo gaituelako aske!
Oraindik ez den proposamen bat
Kontsigna hau gakoa izan zen 1917ko hilabete zurrunbilotsu horietan. Nicolas II.a tsarrak abdikatu ostean 1917ko martxoan (momentu horretan Errusian zegoen juliotar egutegian otsaila zen) sortutako behin-behineko gobernuan sozialdemokratak parte hartzen ari ziren, liberal eta aristokratekin batera. Boltxebikeen zuzendaritzaren sektore batzuek ere gobernuarekiko adiskidetze jarrera zeukaten. Testuinguru horretan, Leninen Apirileko tesiak obran jasotako planteamenduak gakoak izan ziren boltxebikeen norabidea argitzeko (boltxebikeak barruko korronte nagusia ziren Errusiako Partidu Sozialdemokratan, handik gutxira Partidu Komunista bihurtu zena) baita, hilabete batzuk geroago, Petrogradon boterea hartzea ahalbidetzeko ere.
Lehenik eta behin, Askapenatik, Kataluniako herri langileari gure zorionik beroena helarazi nahi diogu Kataluniako Errepublikaren aldebakarreko adierazpena aldarrikatzeagatik. Izan ere, herri katalanak azken urteotan aurrera eramandako prozesu osoa irakaspen izugarria izan da Euskal Herri langilearentzat. Determinazioaren garrantzia erakutsi diguzue, irmotasunaren garrantzia, eta helburuak erdiesteko herriaren bulkada beharrezkoa dela erakutsi diguzue. Ondorioak zeintzuk izango diren jakitun izan arren, egiten ari den bidean sinesten duen herri batek, desobedientziaren bidez, jarritako helburuak lor ditzakeela erakutsi diguzue. Horri esker ireki da 78ko erregimena hausteko aukera.