Irungo EH Bildu.- Azken asteazken honetan ospaturiko udal batzan, EH Bilduk eramandako erabakitze eskubidearen aldeko proposamena aurrera atera zen. Gure herriak libre eta demokratikoki bere etorkizuna aukeratzeko daukan beharra eta eskubidea aipatzen duen mozioa onartzeko, gure bozkak SPI eta EAJ/PNV-koekin batera, nahikoak izan ziren.

Datorren martxoaren 25ean,  WWF elkarteak (Naturarako Fondo mundiala), aldaketa klimatikoa gauzagarria dela erakusteko asmoz, 20:30etik 21:30era, eraikin publiko zein pribatuetako argiak itzaltzea proposatu du.

Ostiral goizean, Jean Pierre Harokarene “Txanpi” Soriako kartzelatik atera eta  Pausun utzi zuten aske, Hego Euskal Herrian bizitzea debekatuz.

Honen aurrean EH Bildutik adierazi nahi dugu Irungo herritar honi mendekuan oinarritutako zigor erantsia ezarri zaiola, bi argudio faltsutan sostengatuz: bata kanporatzearekin kalterik ez zaiola egiten, eta bia Irungo herrian sustraituta ez dagoela baieztatuz.

Euskal herriak bizi izan duen, eta oraindik bizi duen, krisi ekonomikoaren testuinguruan asko izan dira esparru ezberdinetan eman diren atzerapausuak, baina modu nabariagoan eman da gizarte eskubideen arloan. Ezarri diren erreformen eta neurrien ondorioz kalitatezko enplegua erasotua izan da etengabe, patronalen interesak babesteko. Horren ondorioak ezagunak dira: lan eskubideen galera, prekarizazioa, malgutasuna kontratazioan eta lan harremanetan...

Behean sinatzen dugun talde politiko hauek (Sí se Puede Irun eta EH Bildu), Leon de Iruretagoiena kaletik Prudentzia Arbidera doan igarobidea oztopatzen duten mahaitxo finkoen inguruan azalpenak eskatu nahi ditugu. Era berean, larrialdietarako ibilgailuei (anbulantzia, suhiltzaileak, polizia,…) pasabidea oztopatzeak herritarren osasun zein segurtasunean eragin dezakeen arriskua ohartarazi nahi dugu.

Azaroaren 25a gerturatzen den honetan, Irungo EH Bildutik azken urteetan egin izan dugun bezala, eskaera bat luzatu diogu udal gobernuari eta horretaz gain gure adierazpen instituzional proposamena aurkeztu dugu eztabaidatua izan dadin.

EH Bildu.- Duela bi aste eskualde honetako bi herrietako udalbatzek mankomunitateko estatutuen aldaketa onartu zuten bertako batzarrean udal talde guztien ordezkaritza egon zedin. Ezin dugu ahaztu hau legez berez hala izan behar zuela eta urteak pasa badira ere Irun eta Hondarribiko udal talde guztiek ordezkaritza edukitzea lortu da.